Chin su coro alligru dogni mamentu isetende,
dogni tzocu dae su pettus pariat bessende,
gràssias torrèndeli a Deus ca m’at dadu su recreu
de godire su consolu chi ti dat su rusignolu.
E canta, canta puzone, ‘olende in s’aera
faghes de ‘onzi die beranu.
E canta pro chi s’intendat dogni cristianu
gratu a Deus pro custa ditzosia
de intender sa tua melodia…
Nàschid’in sa die de Sant’Andria nodida
chi a sa Santa de sa mùsica l’an dedicada.
Nan’chi chie pregat cantende duas bortas est preghende
tue donas chin su cantu, pregarias e incantu…
E canta, canta puzone, ‘olende in s’aera
faghes de ‘onzi die beranu.
E canta pro chi s’intendat dogni cristianu
gratu a Deus pro custa ditzosia
de intender sa tua melodia…
Canta, incanta chin custu cantu, boghe de s’ànima, tue
chin custu cantu tue ses incantu, canta serena totue.
Benènnida sias!
E canta, canta puzone, ‘olende in s’aera
faghes de ‘onzi die beranu.
E canta pro chi s’intendat dogni cristianu
gratu a Deus pro custa ditzosia
de intender sa tua melodia…
E canta, canta puzone sa durche armonia
bella che una pregadoria…
Canta, incanta chin custu cantu, boghe de s’ànima
Canta, incanta chin custu cantu, boghe de s’ànima, tue