بسم الله ما شاء الله ومفيش حارس الا الله
وأنس يلعب ويّا صحابه وسيدنا محمد يستناه
بعد ما يلعب يجري عليه وبحنان الأب يربيه
والحنية تبان فى عينيه وبيضحكله رسول الله
صلوا على سيدنا المختار قال له فى ودنه على مشوار
وأنس طفل صغير لكن كان بيأمنه على الاسرار
خبى السر يا قمحاية مهما تزن النحلاية
وماقالهوش للورداية والعصفورة على الأشجار
الله أكبر سمى وكبر أمه بتسأل لما اتأخر
قال لها سر رسول الله وانا مش ممكن اقوله ولا اقدر
تاتا يخطى العتبة ويكبر وبيتعلم وبيتشطر
يروى حديث سيدنا محمد وبيحكيه للناس ويفسر