Bira Huseyîn lyrics

Di payîzekê perwer da bû Roj li ber ava bû

Qolincên dayka min hebûn

Di dawîya şevên reş

Mîna rojekê sor çawa tê dunyê

Dayika min ji bi êşê pir giran tu anî dunyê bira

Tu di himbêza me helnehat ti buy

Cîranan gotibu ew kur wê bibe mêrxwazekî mezin

Wiha behsa te dikirtin dayka min

Û sal bi kêfên buharê hatine

Û bi xemgînîya payîzê re buhûrîne di ser warê Dêrsimê ra

Tu jî bi zilm û zora çakûçê zalima mezin buy

Bi agirê dilê dayikan şewitî

Te dilê xweyî şewitî bi ava çemê derd û kula, bi çemê

Munzûrê av da bira

Loma buye polat, buye egîdekî mêrxwaz

Û xof û tirs ketî dilê neyara

Cîranan ne şaş gotibu

Te rûwê wan fuqera rêş dernexist

Rûwê teyî ken, dilê teyî germ û berê te tim li çiya bû

Di dilê birayê min da hêviya gelê min û evîna çiya hebû her tim

Ax birayê min, hevalê min, egîdê çiyayê Munzûrê, Huseyênê min

Tu êşa dilê min, berxê dayika min, û şêrê gelê min, birayê min

Di şevek lal de û reş tarî

Ta xatir ji me xwest li dû xwe hişt derî

Sal û wekt buhurîn û dem zivirî

Çerxa felekê li ser serê me gerî

Ax bira Huseyn cigera min

Ax bira Huseyn hevalê min

Tu berxê dayka min şêrê gelê min

Dibêjin rojek meha havînê

Dîsa destxwînen artêşa romê

Te hiştine di nav gola xwînê

Te kirine mêhvanê vê dinê

Ax bira Huseyn cigera min

Ax bira Huseyn hevalê min

Tu berxê dayka min şêrê gelê min

Rêçên te li dora çemê Munzurê

Bêhna te ji çiyayên Dersimê

Çavê min li te digerin her derê

Bê te jiyan ne xweş wek mina berê

Ax bira Huseyn cigera min

Ax bira Huseyn hevalê min

Tu berxê dayka min şêrê gelê min