Intr’a nois ‘ettamus
Tabacu ei meighinas.
Comente istratzos semus
Brutos de chijina.
‘Ettamus intr’a nois
Magicas, birdes ervas:
Semus che piseddos
Chi chircan sas mamiddas.
Intr’a nois sun passados,
Passan e an a passare
De ‘inu trainos
E atera cosa ‘e buffare.
Ei cando passan intr’a nois
Minudas magicas nues
Sa làcana jampamus
Solu pro calchi minudos.
Totu unu raggiru
Ei l’ischimus puru.
Una vida intrea chircande
Buttios de piachere.
Unu raggiru
Chi nos faghimus
‘ettande, ‘ettande.
Ei l’ischimus chi faghent male…
Ma intr’a nois ‘ettamus
Nues de piachere.
Nues de piachere