بتغيب، غيب براحتك ما جبرتك
تعرف مكاني لا بغيته تدله
ولا تحسب إني في غيابك عذرتك
بعض الغلا ما يستمر بمحله
آمنت بوفاك وندمت وكفرتك
مبدأ لقيت إن الخيانة تحله
كنك يمين وما قصدت ونذرتك
أحيان تنهي راحة البال زلة
أعمى وردوا لي العيون ونظرتك
أثرك أبد ما تملي العين لله
كنت الظلام ويا هناي إن سهرتك
أثر السما غيرك نجوم وأهله
ما أكرهك، منك اعتبرت وعبرتك
دوم التجارب توصلك للأدلة
بيني وبينك عشرة، ولا نكرتك
ماني من اللي ينكر بيوم خله