Bazeecha-e-atfal hai duniya mere aage,
Hota hai shab-o-roz tamasha mere aage.
Hota hai nihan gard mein sehra mere hote
ghista hai zabeen khak pe dariya mere aage
Mat pooch ke kya haal hai mera tere peechhe
Too dekh ke kya rang hai tera mere aage
Bazeecha-e-atfal hai…..
Imaan mujhe roke hai, jo kheenche hai mujhe kufr
Kaba mere peechhe hai kalisa mere aage.
Bazeecha-e-atfal hai…….
Go hath ko jumbish nahin ankhon men to dum hai,
Rehne do abhi sagar-o-meena mere aage.
Bazeecha-e-atfal hai…