Ballade XI en jargon [ V Stockholm] [Romanian translation]

De devers quay par ung temps d'ivernois,

Veiz abrouer a la vergne cygault

Marques de plant, dames et audinas,

Et puis merchans, tous telz qu'au meier fault,

. . . . . . . . . . . . . . . . . . . . . . . . …………….

Gueulx affinez, allegrins et floars,

Mareus arves, pimpres, dorelotz et fars,

Qui par usaige a la vergne jolye

Abrouerent au flot de toutes pars,

Pour maintenir la joyeuse folye.

Pour mieulx abbatre et oer le broullart,

Adraguerent de Grenoble maint crupault

De rumatin, et puis mol sines gras,

Cruge marir sans avancer ravault,

. . . . . . . . . . . . . . . . . . . . . .

Babillangier sur tous fins et sur ars,

Tant qu'il n'y eu de l'arton sur les cas

— Brocquans, dorelotz, grain2, guain, aubeflorye —

,Que tout ne fu desployé en pars,

Pour maintenir, la joyeuse folye.

Pour mieulx polir et desbouser musars

On pourlua des luans bas et hault,

Tant qu'il n'y eu de vivres en caras,

Puis fei on faire a saint Arquin ung sault.

Aprés doubtant de ces anges l'assault,

On verroulla et serra les busars,

Pour mieulx blanchir et desbouser coquards.

La ot ung gueulx son endosse polye,

Qui puis alla emprunter aux Lombars1,

Pour maintenir, la joyeuse folye .