Ballade VI [ en jargon et jobelin] lyrics

Contres de la gaudisserie,

Entervez tousjours blanc pour bis,

Et frappés en la hurterie

Sur les beaulx sires bas assis.

Ruez des fueilles1 cinq ou six,

Et vous gardés bien de la roe,

Qui au sires plante du gris,

En leur faisant faire la moe2.

La giffle gardés de rurie,

Que voz corps n'en aient du pis,

Et que point a la turterie

En la hurme ne soiés assis

— Prens du blanc, laisse du bis,

Ruez par les fondes la poe —,

Car le bizac avoir ad vis

Fait au beroars faire la moe.

Plantés de la mouargie,

Puis ça, puis la, pour l'hurtis,

Et n'espargné point la flogie

Des doulx dieux sue les patis3.

Voz ens soient assez hardis

Pour leur avancer la droe,

Mais soient memoradis

Qu'on ne vous face faire la moe.

Prince, qui n'a bauderie

Pour eschever de la soe1,

Danger de grup en arderie

Fait aux sires faire la moe.