بلد التناقض [Balad El Tanaod] [English translation]

العالم كلّو عم يسألنا… انتو والله كيف عايشين

قلتلن هيدي بلدنا… صرنا عليها معودين

سياحة فن ومعارك… الله الحامي الله مبارك

يللي بدو يجي يشارك… نحنا بسيرك المجانين

(2x)

يا عمي اللبناني شغلة… بيتدين حتى يسهر

قاعد لا عملة ولا شغلة… ليلية بدو يضهر

والأسواق عم بتعاني… بس الملاهي ولعاني

ناس بتصرف ناس طفراني… ناس بالخيمة عم تكبر

بهالتناقض ما تنعجب… ناس بسمنة وناس بزيت

فيك تتزلط فيك تتحجب… صيف وشتي على نفس البيت

بين الكنيسة وبين الجامع… بار زغير كل شي

جامع

بطرس أحمد ماريو ولامع… سرج وبرج فاطمة ولوريت

فيها المخلص والشرير… مدينتنا بتساع الكل

فيها الغني والفقير… هيدي القصة مارح تنحل

ناس بيحكو فرنساوي… جماعة بتحكي العربية

ستيك هريسة أو مشاوي… كبة سوشي يابانية

فيها سواح ونازحين… بنفس الشارع سايحين

نحنا بيناتن ضايعين… فرانكوفيل انغلوفيل الاقلية أرابوقيل

قوميات وأراكيل… من البداوي لسن الفيل

هيدا البلد مش طبيعي… ونحنا مش طبيعيين

بعكس الطبيعة ماشيين…

العالم كلّو عم يسألنا… انتو والله كيف عايشين

قلتلن هيدي بلدنا… صرنا عليها معودين

سياحة فن ومعارك… الله الحامي الله مبارك

يللي بدو يجي يشارك… نحنا بسيرك المجانين

في عنا تمنتعشر طايفة… وما زتنا صحونا تمنتعش

عيل ديون عليها طايفة… عيل بتبلع ما بتشبعش

اللي بيصلّي واللي بيسكر… قاعدين بذات المعسكر

أجمل مسلسل عم تحضر… سوقة خيانة طقس وفقش

هيدا البلد مش طبيعي… ونحنا مش طبيعيين

بأحلى بلد عايشين