[مروان]:
بعشق روحك والكلمات
بعشق إحساسك بالذات
كيف بتمشي وكيف بتحكي
[ألين]:
قلبي بيشتقلك بجنون
ما بعرف مع غيرك كون
ولا بقدر مع غيرك احكي
[مروان]:
من اول مرة تلاقينا
احساسي من جوا تغير
[ألين]:
حبيتك ما بقدر قلك
لو بعرف اوصفلك اكتر
انتا مش بس بتعجبني
نظرة منك بتدوبني
بعيش حبك وبموت
[مروان]:
انا لحظة عنك تبعدني
ولا ممكن اقدر اتصور
[ألين]:
انتا بعدك بيعذبني
مافيي منك اتحرر
[مروان]:
دخيلك بغيابك عني
لابعرف لحن ولا غني
بموت من الهم بموت
[مروان]:
علی مطرح ما بدك بمشي
ما بتعب مرة او باسأل
[ألين]:
من كتر الحب الي بقلبي
ما بعرف كيف بيتحمل
[مروان وألين]:
قلبي ما بينبض علی كيفي
ما بعرف عبر من خوفي
بتضيع مني الحروف
[مروان]:
انا حبك خلاني غني
واصبر عالدنيا واتحمل
[ألين]:
ما كانت حلوة هالدنيي
ولا مرة احلامي تكمل
[مروان]:
لما حبيتك يا عمري
ماعادت عينيي بامري
وغير سحرك ما بشوف