Bèlla scurnósa lyrics

Dicìteme pecchè, vuje ca ‘o ssapite,

quanno vedite a mme, ll’uócchie acalate?

E róssa cómm’ ’o ffuóco ve facite?

E a ccósere e a ttaglià, po, ve ‘mbrugliate?

V’o ffigurate o nun v’o ffigurate

ca assaje cchiù bèlla, tanno, me parite??

Pecchè chist’uócchie ‘ntèrra vuje tenite??

Chist’uócchie dóce dóce e fute fute..

‘E stélle stanno ‘nciélo e vuje ‘o ssapite

e ‘ntèrra quanno maje ll’îte vedute!!

Aizate sti ddòje stélle, nu mumènto

e, si m’abbruciarranno , i’ so’ cuntènto..

Nennè, tutto stu scuórno ve cundanna

e cchistu còre mio cómme ve ‘ntènne,

tutto stu scuórno vuósto nun me nganna..

vuje me vulite bène… nun vulènno…

Chist’uócchie ca guardà maje nun me vònno

parlà cchiù cchiaro ‘e chésto, no, nun pònno!