عزاه يا قلبي من الهم عزاه
من يواسي دمعتي قال خيرة
وشلون خيرة من بعد فرقاه
لا تقول خيرة .. خيبة كبيرة
ياللي تواسيني كلامك حفظناه
أنا أبغى منك خدمتين صغيرة
ودي تروح تبلغه شي معناه
اللي يحبك يبغى كلمه أخيرة
ان كان يبغاني فهذا اللي أبغاه
وان ما قبل قلّه خسارة كبيرة
بكره الندامة والحسايف تولاه
يندم وانا عارف الندامة مريرة
ان جا يبي قربي فلا اظن أبجفاه
انا ضميري يختلف عن ضميره
انا اشهد انه حد قلبي على اقصاه
والا خفوقي ما هو كلٍ يسيره..!