ايلان [Aylan] lyrics

وين بنام والنعس هربان

حلمي إرجع ع بيتي ما حدا علّي سئلان

انا إيلان وانا تعبان

طفل نازح سوري كأني مش إنسان

ضجران وهشلان من عيلتي يئسان

من أهلي وصحابي صاير بالنسيان

انا إيلان وانا تعبان

ما عاد عندي وطن صرت بَلا عنوان

يِمكن بالمحيط او يمكن بالبحر

تَحِت شي بناية او عَلَى جنب النهر

يمكن بْشي مركب بهرب في تأقِرب

يا رب اوصل ع الشط واهرب من درب القهر

فجأة نِزِل الليل حامل امواج الويل

سرقني ومن خوفي شرّدني ببحر الليل

اللحظات الخجولة ضحكات الطفولة

البراءة مقتولي صورة طفل غرقان

بيتي وِسع الفضا الشمس بتدّفيني

بيتي سقفو السما والموجة تغطّيني

تختي حبات الرْمل مخدة راسي الوحل

اوضتي مزينة نجوم الالهة بتحميني

تشردنا وسمّونا ارهاب وعملونا

قنابل موقوتة بالعالم رفضونا

الحق علينا نحنا كبرنا بِجهلنا

بالامية عشنا صرنا ع كل لسان

بالمراكب ضعنا بْنص البحر تِهنا

على الشط ما وصلنا والبحر غرّقنا

انا مش ايلان أنا مش ايلان

انا كل الولاد اللي تهجّرو من بلاد

انا طفل عربي طفل ع الشط غرقان

صرخة بهالزمان