بۆیە چاوم خۆش ئەوێ چوونکە تۆی پێ ئەبینم
ئەی هاوخەمی گریانم هاودەنگی پێکەنینم
بۆیە زارم خۆش ئەوێ ناوی تۆی پێ ئەهێنم
کاتێ کە ناوت ئەبەم ئەشکێ هیلاکیی ژینم
ژیانم تاریکیە گەر ئەوینی تۆ نەبێ
تەمەن وەک بەهارێکە کە نێرگزی پێ نەبێ
ئەوین سنوری نیە هاوسەرە ئازیزەکەم
یاخوا بەحەیرانت بێ حەیران و ئاوازەکەم
دوور لەوڵاتی سۆزت ڕووحی من بێ لانەیە
ئاسەوارێکی ڕووخاو شارێکی وێرانەیە
دڵم بەردەبازێکی ڕێگای ئەو جێژوانەیە
دەبا عالەم پێم بڵێن کوڕێکی دێوانەیە