مش كل من ضحكت عيونه فرحانين
و لا كل من غمض عيونه يبقى نايم
مش كل من نزلتله دمعة يكون حزين
و لا أى واحد خد شهادة يبقى فاهم
أوقات الحياة بتعلّم
و الزمن بيفهم اللى مش فاهمين
ياما ناس كانت عنيها بصيرة
أمانى كبيرة بس مش طايلين
و أنا و أنت و الظروف و الحيرة
أسئلتنا كتيرة بس أهو عايشين
قشرة دهب بتتوه مع الأيام كما الأحلام
و ياما كلام بيتقال بس الفعل أى كلام
أوقات الحياة بتعلم
و الزمن بيفهم اللى مش فاهمين
ياما ناس كانت عنيها بصيرة
أمانى كبيرة بس مش طايلين
مش كل من طبطب عليك خايف عليك
و لا أى حاجة مش فى إيدك تبقى صعبة
مش كل من لبسله ماركة يبقى شيك
و لا أى حاجة طالعة موضة تبقى حلوة