Аяулы армандарды аңсап ұстар –
Есілден басталатын қанша ағыс бар.
Барша нұр аймалайды Астананы,
Қонады Астанаға барша құстар.
Астанам — мәңгілік дастан-ән,
Жайнаған гүлденіп жас қалам.
Арайлансын ақ таңың,
Мәртебелім, мақтаным,
Айбыным, абыройым, Астанам!
Шарықтап қуаныштың таныс әні,
Күлкілер бір-бірімен жарысады.
Келеді барлық әлем Астанаға,
Барша жұрт Астанада табысады.
Астанам — мәңгілік дастан-ән,
Жайнаған гүлденіп жас қалам.
Арайлансын ақ таңың,
Мәртебелім, мақтаным,
Айбыным, абыройым, Астанам!
Көшелер көктем гүлін тағынады,
Жастықтың жұлдыздары жағылады.
Келгендер шаттанады Астанаға,
Кеткендер Астананы сағынады.
Астанам — мәңгілік дастан-ән,
Жайнаған гүлденіп жас қалам.
Арайлансын ақ таңың,
Мәртебелім, мақтаным,
Айбыным, абыройым, Астанам!
Арайлансын ақ таңың,
Мәртебелім, мақтаным,
Айбыным, абыройым, Астанам!