ئاگرێ لە دەروونما ڕازێکی سەوداییە
بومە سۆفی خەڵوەتی ئەو عەشقە خوداییە
چاوم بینایی نەما کەچی هەر چاوەڕێتە
ڕێگای تۆ ئەگرمە بەر دایم سەرم لە ڕێتە
یەکێ پێم ئەڵێ دەروێشە یەکێ پێم ئەڵێ شێتە
من خۆم بێ لانەم کەچی ئەم دڵەم لانە و جێتە
دەروونم بۆتە دیلی زیندانێکی ئەبەدی
بووم بە وەلی دێوانە کەچی هەر شەمم نەدی
ئەوەندەم ئازار نۆشی تەمەنم بوو بە زریان
باسی بەسەرهاتی من بۆتە وێردی سەر زمان