Eo ti cherzo cantare, ìsola mia,
comente apo intesu dae minore,
cantones de tristura e de dolore,
momentos de incantu e de allegria.
Momentos de incantu e de allegria.
Cand’ancora ‘e mama in bratzos fia
a igustos cantos totus apo amore.
E como so cuntenta e nd’apo onore
de los poder cantare a boghe manna.
Cheria andare dae janna in janna
pro los fagher a totus iscurtare.
Pro chi sos sardos torren a cantare
sas armonias de sa terra insoro.
Terra insoro.
Armonias chi naschen dae su coro,
boghes antigas de Sardigna mia.
Ah, Sardigna mia!