Aria lyrics

Aria tènnera 'e maggio, aria sincèra,

aria seréna e frésca,aria celèste!

Tèngo spaparanzate nfin'a séra....

pòrte e ffenèste.

Trase ! Pazzéa pe dint'a casa mia,

co 'e sciure 'e sótto a sti ccampane rótte,

scióscia 'a póvere 'a còppa a 'sta scanzia.

primm'e fa nòtte .

E famme lustre tazze e tazzulélle,

e statue e statuètte e canneliére.

Caccia mille culure da 'e papèlle

'e stu lampiére.

E abbócca stu canàrio....mbarzamato,

allérto ncòpp'a pedagnèlla nera....

'O ssiénte o no ca nun se n'è addunato

ca è primmavèra?