Արի, մի գնա [Ari, mi gyna] lyrics

Յար, քո անունը սրտիս եմ պահում,

Աչքս չի հոգնում, ճամփիդ եմ նայում,

Գալուդ խաբարը, թե որ ինձ բերեն,

Սիրտս երգիս հետ ճամփիդ կփռեմ:

Մուրազիդ մատաղ,

Արի', մի' գնա,

Թե չէ մուրազս

Կիսատ կմնա:

Ա՜խ, սիրուդ համար ես հուր կդառնամ,

Քո ճանապարհին աղբյուր կդառնամ,

Թե մրսես` սրտիս հրով տաքանաս,

Թե որ ծարավես`ինձնով հովանաս:

Սիրո ցավերին ես դեղ ու ճար եմ,

Բա իմ դեղը ես որտեղի՞ց ճարեմ,

Գուսան Աշոտիս դու օր ու արև,

Գոնե ուղարկիր մի անուշ բարև:

Մուրազիդ մատաղ,

Արի', մի' գնա,

Թե չէ մուրազս

Կիսատ կմնա: