A tia ti fici na chitarra nica
Ca su eri ranni ta faceva ranni
'Nsitai l'aranciu amaru cca muddica
Cordi di lenza e chiavi di fatica
Arrobba e ita su ti vo 'nsignari
Allesti cunti si non voi 'n patruni
Fatti lavina, cantunera e mari
E patri e matri e toccu di campani
U suli è prenu di strapunti e mbrogghi
M'atturra l'occhi e consa maravigghi
Vogghiu cantari a cannarozzu chinu
Curriti genti canta Araziu Stranu
Quannu di sangu curri la vanedda
Cu si cuntenta mortu o carzaratu
Fimmini schetti, pinnulara i stidda
Cu casca additta e cu casca trarutu
Dici ca mi sparanu na matina
Cu dici ca m'arricugghiu la terra
Ju tonnu a passu a notti di la strina
E tonnu a cuntu di l'eterna guerra
Ju tonnu a passu a notti di la strina
E tonnu a cuntu di l'eterna guerra