Ar gurunenn lyrics

Kurunet gant kurunoù

Moue fonnus alaouret dezhi

Emañ-hi o c'haoliata

Ur gazeg c'hell ha fringus

Abred diouzh 'r beure eo deuet

Brini loufres da stekiñ

Ouzh an nor wer dreuzwelus

'Tegas seblant an Ankoù

Desket dezhi yaouank-flamm c'hoazh

Talañ ouzh he flanedenn

War varc'h d'ar marv bepred

Salokras! D'ar pevarlamm

He blev ' nij gant an avel

Na spont na aon na netra

Kig etre he divorzhed

Al loen davet an Ifern

Luc'hed en he daoulagad

Hoalus spontus ha nec'hus

He c'halon o skeiñ kalet

Da belec'h 'ta eo kaset

Toull ur frankizenn war-wel

Ur chach prim ha sec'h d'ar brid

Emañ-hi war ar c'hinvi c'h eone

Sioulet he c'horf o kousk

Beuzet gant un hunvre kaer

Dont a raio dezhi ar peoc'h

Ha pa zihuno timat

Sederaet korf hag ene