Apili, Apili, Apili
son pertu di si omi
matcu, matcu garandi
kombatenti di povo
Ma tugas ruma se kargu
pa e riba se tera
kombatentis entra prasa
omi di Apili bai
Omi di Apili bai
i bai buska mindjer nobu
ki sibi entra ki sibi sai
Apili fika el son
ku si lembransa di kansera
di fomi, di foronta
Ma, Apili, ka bu larga bu kurpu
bardadi di Partidu ka ta pirdi
si ka na boka di mal tomadus!