Anglorum iam apostolus lyrics

Anglorum iam apostolus,

nunc angelorum socius,

ut tunc, Gregori, gentibus,

succurre iam credentibus.

Tu largas opum copias

omnemque mundi gloriam

spernis, ut inops inopem

Iesum sequaris principem.

Vidétur egens náufragus,

Dum stipem petit Angelus;

Tu munus jam post géminum,

Prǽbes et vas argénteum.

Te celsus Christus pontifex

suæ præfert Ecclesiæ;

sic Petri gradum percipis,

suius et normam sequeris.

Scripturæ sacræ mystica

mire solvis ænigmata,

excelsaque mysteria

te docet ipsa Veritas.

O pontifex egregie,

lux et decus Ecclesiæ,

non sinas in periculis

quos tot mandatis instruis.

Mella cor obdulcántia.

Tua distíllant lábia:

Fragrántum vim arómatum

Tuum vincit elóquium.

Tu nactus apostólicam

Vicem simul et glóriam:

Nos solve culpæ néxibus,

Redde polórum sedibus.

Sit Patri laus ingenito,

sit decus Unigenito,

sit utriusque parili

maiestas summa Flamini.