Ariel, koute mwen!
Aka lezom se pwoblem
Lavi anba lanmè
Meyè pase tousa yo ni asi latè
Kòn-lanbi olwen ni bon son,
Se ti pawol nou ka di
'Si latè ou vle ale, non ?
Me sa se on rev modi
Gade tousa ki alantou'w,
Se riches epi trezò
Se yenki mervey ki la pou'w.
Kisa ou vle ankò ?
Anba lanmè, anba lanmè
Doudou, nou alez kon Blez 'si falez.
Anba lanmè
Anho yo mare lajoune,
E kon esklav yo ka woule
Pannan nou ka ri, ka danse osi
Anba lanmè
Kotesit tout pwason kontan,
Asi vag kon tobogan
Pwason ki anlè pa kontan,
Pas yo an bokal tout tan
Vwè mizè pa mò an bokal ;
Ladevenn se on fanm fol
Si misye fen, ou ké fin mal,
Ou k'ay fin adan on bol
Anba lanmè, anba lanmè
Pa ni koubouyon, ni blaf a pwason
Anba lanmè
Pouki se nou yo vle manje?
Anba lanmè nou vle naje
Nou ka fè kyim, san trape rim
Anba lanmè
Anba lanmè
Lavi-la byen dous, i bon kon dlo sous,
Sa se plezi.
Pwason-lanj epi gwo zòfi,
Yo adan mizik-la osi
Chacha ka bat vit, pannan tout lannuit
Anba lanmè
Kayi jwe batri,
Taza jwe gita,
Karang jwe triyang,
Se yo ki té wa
Makro jwe sakso,
Balawou tanbou
Goret se on met a djaz
Lanj chante louwanj
E Ton jwe vyolon
Reken zouke byen,
Kola bay lavwa
Kof e Vivanno,
Yo pran pye a-yo
Pelpet ni bon souflet,
Woy !
Yepa !
Anba lanmè, anba lanmè
Lè sardin ka bigin on ti bigin
Mizik-la swing'
Anho-la yo ni yenki sab
Nou ni on bel gwoup djaz a krab
E tout ti chobet ka jwe kastanyet
Anba lanmè
E tout kolantenn ka ri kon balenn
Anba lanmè
E tout ti bougo ka bay on tenmpo
Pas ka fè pli cho, isi anba dlo
Nou ka viv kon sech anmitan varech
Anba lanmè