Anìn a gris lyrics

Anìn a grîs usgnot

jenfri erbe e cjere

dongje il Tiliment.

Anin a pièrdisi tal scûr

fra sterps e cîl

cence carnîrs nè bês.

Sîors di libertât a racuei

grignei di vite e respîrs

di ajar net e a durmî

di voe sul jèt d’arint

da l’aghe cence pore

d’inneâsi marivèe di sanc

lontan da gilugne

e dal lisp dai simiteris.

Anìn a grîs usgnot

jenfri erbe e cjere.

Anìn a grîs usgnot

dongje il Tiliment.

Anìn a steles usgnot

cun vôj discois e musiche

tal flât cjalt

da nestre picule poesie.

Sîors di libertât a racuei

grignei di vite e respîrs

di ajar net e a durmî

di voe sul jèt d’arint

da l’aghe cence pore

d’inneâsi marivèe di sanc

lontan da gilugne

e dal lisp dai simiteris.

Anìn a grîs usgnot

jenfri erbe e cjere.

Anìn a grîs usgnot

dongje il Tiliment.