يا أميري وأمير الناس وإن قلت قَل
قلت بأن الله أحصى فيك كل الرجال
يا محمد وفيك الوصف أبد ما يدل
وانت شيٍ يشاف وما انتَ شيٍ يقال
وانت حتى الخيال اللى تخيلك ذل
ما يوفيك عقل ولا يكفيك بال
كنّ ربي خلقك وحافظك ما تزل
وكنّ ربي خلقك ورافعك ما تطال
كل نورٍ يشع ولا انحِجب صار ظِل
وانت نورك يعم ولا يخيله ظلال
وكل مزنٍ على من صار تحته يهِل
وانت في كل صوب تهل وبكل حال
وكل شيٍ إلى من تم عوّد يقِل
وانت طيبك تمامه عن مداه استحال
وكل ما فيك أصلاً هو من الكِل كِل
ولا تركت لسواك إلا الشبه والخيال