ئامینێ نازەنینێ [Amine nazenine] lyrics

سه‌وزه‌ڵه‌ی چاو ڕه‌ش، سه‌وزه‌ڵه‌ی چاوڕه‌ش،

به‌خوا ڕۆژی ڕه‌ش کردووم، سه‌وزه‌ڵه‌ی چاوڕه‌ش،

کاتێ پرچت لوول ئه‌که‌ی، حاڵم په‌شێوه‌،

بڵێ کێ ناشێوێنێ ئه‌و تۆڕه‌ و شێوه‌،

ئامینێ نازه‌نینێ، قه‌د باریکه‌ی لێو نه‌خشینێ،

دوێنێ له‌ ڕێی کانی دیم به‌ قاقا و پێکه‌نینێ،

ئاوڕێکی لێ دامه‌وه‌، وه‌خت بوو جه‌رگم ده‌ربێنێ،

وامه‌که‌ که‌س با نه‌تبینێ، به‌سیه‌ له‌نجه‌ و پێکه‌نینێ،

ئیشاره‌ی چاوه‌کانت به‌ من ئه‌نوێنێت،

که‌ تۆ خه‌ریکی ئه‌وه‌ی گیانم بستێنیت،

واگیانم دایتێ به‌ڵکوو هه‌ر تۆ بمێنیت،

به‌و مه‌رجه‌ی گوڵێکی سوور له‌سه‌ر گۆڕم بڕوێنیت،

گوڵ و گوڵاڵه‌ و نێرگزی به‌هار،

شۆخی به‌ڕه‌زا و چنوور له‌ نزار،

ئه‌مانه‌ یه‌ک یه‌ک، به‌تۆ ده‌به‌خشم،

تۆش له‌ نازداری خۆت بمده‌رێ به‌شم،

ئامینێ نازه‌نینێ، قه‌د باریکه‌ی چاو نه‌خشینێ،

دوێنێ له‌ ڕێی کانی دیم به‌قاقا و پێکه‌نینێ،

دوێنێ له‌ ڕێی کانی دیم به‌ قاقا و پێکه‌نینێ.