Amici come prima lyrics

"Non darti pena, è tutto naturale

Pure 'nu grande ammore pò fernì"

'Sti cose ca me dice

So' tutte tale e quale

Cchiù 'e sento e cchiù me spiegano chi sì

Amici come prima

Putimme riturnà

Avimme pazziate, che vuò ffà?

'E vvote dint'o core

S'appiccia 'na passione

Ca senza 'na ragione se ne va

Nun t'aspettà da me

Che dico: "Ma pecchè?

D'o bene mio nun ne vuò cchiù sapè?"

Nun m'appartiene cchiù

Fa' chello ca vuò tu!

Ma nun 'a sciupà chesta gioventù!

Amici come prima

Putimme riturnà

Avimme pazziate, che vuò ffà?

Si nun me vuò cchiù bene

Che te trattengo a ffà?

Songh'io ca sto mumento dico: "Va'!

Va'! Va'! Va'!"

Amici come prima

No, nun putimme stà

Chello che t'aggio dato

Tu nun me 'o può turnà

Ogni parola è inutile

Ma primma 'e ce lassà

Asciuttame 'sta lacrema

Che n'amicizia nun 'a può asciuttà!