Amedyaz lyrics

Allen-iw ger yitran Ttnadint igenwan, Wissen anda telliḍ !

Tiziri iḍwan, Tessard iẓekwan, Wis m' aγ-d-twali !

Negwra-d d imeγban, Mi γ-ikellex zzman,

Gguǧlen wussan : Inγa-ten uṣemmiḍ.

Anw' i das-innan, Lefraq i sɛeddan

La ittru umkan-nni I deg tettγimiḍ.

Anda i k-rran ? Anda i k-d-ǧan ?

Wissen anwa i d itri I deg i tettiliḍ!

Nsawel i yal amkan,Ur neẓri anida tensiḍ.

y ala a lal ya lalal

Tawrirt n Mimun, Anda fell-ak run, Dinna i d-tettennerni

Sennig lkanun; Lefnar ittargun, I tmenḍart sliγ.

Ayen i γ-d-ḥekkun, Imγaren issefrun

D agwni ittwattun, Dinna i ten-turiḍ.

Ad fell-ak cfun, Ulamek ar k-ttun, Ulamek ar k-mḥun,

Γas ulac-ik telliḍ!

Tura d imeγban, Imi γ-ikellex zzman,

Gguǧlen wussan, Inγa-ten usemmiḍ

Anwa i das-innan, Lefraq i sɛeddan

La ittru umkan-nni, I deg i tettγimiḍ.