Am Bickendorfer Büdche lyrics

Refrain

Am Bickendorfer Büdche,

do käuf dä Jupp sing Brütche

beim Lisbeth en enem Tütche,

dat hät e lecker Schnütche.

Un ovends dann am Büdche

verzällt hä us em Tütche

däm Lisbeth met däm Schnütche,

wie schön ihr Brütche wör.

Jeden Dach dräump dä Jupp

dovun, dat et hück flupp,

denn dä Jupp es zick Johre schon jeck

op dat Lisbeth.

Dat steiht, ov et ränt oder schneit,

en dem Büdche bei im op d‘r Eck.

Jedesmol, wenn hä arbeide jeiht,

hät dä Jupp jet, wodrop hä sich freut.

Un dann stellt hä sich vür:

Och, wie schön dat doch wör,

köm dat Lisbeth hück ovend zo mir.

Refrain

Am Bickendorfer Büdche

(Am Bickendorfer Büdche)

Do käuf dä Jupp sing Brütche

(Do käuf dä Jupp sing Brütche)

beim Lisbeth en enem Tütche

(beim Lisbeth en enem Tütche)

dat hät e lecker Schnütche

Am Büdche dat Lis

Jede Naach dräump dä Jupp

vun ener Woosch un ner Zupp,

vun nem Julasch met öntlich jet dren.

Suurbrode vum Pääd

un vun Himmel un Äd,

denn hä kann bal kein Brütche mih sin.

Wenn dat Lis dann em Draum vür im steiht,

hä im endlich de Wohrheit ens sät:

Ob met Kies oder Fesch

bess du he eijentlich

noch et leckerste Brütche für mich.

Refrain

Lalalalala

Am Bickendorfer Büdche

(Am Bickendorfer Büdche)

Do käuf dä Jupp sing Brütche

(Die half verdrüschte Brütche)

beim Lisbeth en enem Tütche

(beim Lisbeth en enem Tütche)

dat hät e lecker Schnütche

Am Büdche dat Lis