Алілуя [Aliluya] [English translation]

Ёсць у музыцы сакрэтны ход,

Якім Давід веў свой народ

Вам спраў няма да музыкі

Так чуў я

Вось тоніка, ступень, ступень...

Мажору ўздым, мінору цень,

І сціплы цар стварае Алілуя

Каб зведаць тваёй веры моц

Яе нагая прыгажосць

Абрысы ў свеце месяца малюе

Ты праз яе губляеш трон

На гэтай кухні, бы Самсон

І з тваіх вуснаў рвецца Алілуя

І, пэўна, я тут бавіў час

Тут цемра сцен і ценяў вальс

Не мог сыйсці, не зведаўшы такую

Узгадваю, вось я ў табе

І дух святы праз цемру лье

У кожны з нашых шэптаў Алілуя

У гэтых цэрквах дзіўны бог

Я навучыўся ад яго

Біць першым, каб не падстаўляць другую

І то не посмех святара

Не плач прарока

Гэта я

Разгублены й зламаны Алілуя

Здаецца, я зрабіў што мог

Мяне не пусцяць праз парог

Сярод дарог абраў ты мне такую

Няхай усе ішло не так

Я не стамлюся ад падзяк

Апошнім словам стане Алілуя