حالي لاتسال عليه الحال حالك
انت لو طيّب فأنا ياطيب حالي
كبريائي فـي كل مره انحنى لك
والله اني ارتفع بك وانت عالي
موت احبك لو شعوري ماحكى لك
يكفي انه في وسط صدري حكى لي
ارتكي كل ضلع في جوفي حمى لك
عزوتك جيشٍ بصدري ما يبالي
انت من دونك سواد العمر حالك
دون شمسك مابقت قيمه لظلالي
بسم قلبٍ راح من صدري وجالك
في امان اللي يحبك وانت غالي
كنت دعوه يوم قالو طاب فالك
واستجاب الله دعاهم طاب فالي
يسألوني كم على الدنيا مضى لك
مادروا عمري بدا من يوم جالي