على عيني على عيني
الدنيا اما بتدي القادر قبل المحتاج
على عيني الشط اما بيبعد
وانا بغرق وسط الأمواج
على عيني الدنيا اما بتاخد
من ناسي اعز الاحباب
وتسيبني لوحدي متاخد
من الغدر فراق الاصحاب
على عيني وصابر يامايا
مستني وبحلم بنهايه
وانا حابس صورتك جوايا
وبعيش بملامح انسان
على عيني
على عيني الدنيا واحلامي
غرقانه في ليل الأحزان
وملامح فجرك قدامي
غرقانه في توهة ونسيان
الشمس بتغرب عن عيني
والحزن بصهده بيسقيني
مسجون لو يهرب من سجنه
هيلاقي في وشه السجان
على عينى