عالحارة [Al Hara] lyrics

عالحارة وللحارة..احكولي شو اخبارا

نادولي على الشباب..صبية مع ختيارة

نصبّح عالشوارع..مدارس او جوامع

واللي ع شغلو طالع..ماشي او سيارة

نستنا الاجازة ..طُبة مع لقزازة

واللعبة لزازة ..طرقت او شنّارة

بأيام الطفولي..ذَكروني وقولولي

فلافل والفولي ..بندورة وخيارة

شاي بميرامية..اكل عالطبلية

واللقمة الهنية ..بالحب معطّرة

افراح الجيراني..صواني بريحاني

زفة للعرساني ..والحلو مطّارة

جارات تهاهيلو ..ورجال تغنّيلو

فوق كتاف تشيلو..والفرحة دوّارة

كل ذكرى عبالي..زي نغمة بموالي

والله بنسى حالي..ما بنساكي يا حارة

بأحضانِك ضمّينا..انتي النبض ال فينا

لياليها ما نسينا ...وبيجمعنا نهارا