Ake but berša dova kerava,
Ko hadžiluko, me te džav.
Kjaba Tavafi te kerav,
"Lebbejk Allah" te vakerav.
Ko Mekam-u-Ibrahim,
Te kaldinav Namazi.
Zemzem pani te pijav,
Mo Imani te sastljarav.
Refren:
Oj Medine, oj Medine,
Ka dikhav li to šužipe?
Ka ove li nasihati,
Te ovav to misafiri?
Sa o hadžije so sine,
Jek lafi sare phengje:
I Medina po-šuži,
Latar ikljola Nuri.
Keda, Allah, me ka dikhav
Resuleskere thana,
Ki leskiri džamija
Duj rekjatija te kaldinav?
Refren.
Svakoja rat me uštav,
Kijamu-l-Lejl me kaldinav.
Ki sedžda rovindoj phenava:
Allah ker man Tu hadžija.
I Meka hem i Medina,
Me jakencar te dikhav,
Te merav, te na žalinav,
Phravde te naćhon me jakhja.
Refren.