أكبر فخر للناس إنك من الناس
وأكبر فخر للأرض ممشاك فيها
بي من غلاك إحساس ما يحدّه قياس
أغلى من الدنيا ومن هو عليها
اسمك مع الأنفاس، به نرفع الراس
نفسٍ بكل نفوسنا نفتديها
أنت بشر، أو أنت فردٍ من أجناس!
يا شمس تنشدّ الكواكب إليها
تبهر من يشوفك، ولك قلب حساس
منك السعادة للقلوب تعطيها
يا طيب منه الطيب يشرب بلا كاس
يا مبتدا الدنيا ويا مبتديها
أغلى من الألماس وأقطع من الماس
نظرتك ما حدٍ يروم يعصيها
كل القلوب جنود حولك وحرّاس
تمدّ لك بأحلى المشاعر ايديها