أجمل مْن الحلْم وابعاد التِـمِنـّي
جابك الله وإبـتسم حظي و تِسَنَـا
وْمن غلاتِك وإنتي عندي والله إنّي
أخجل أطلب شيّ ٍأكثـر وآتِـمـنـّى
كل كلام الحب و اوصاف التِـغِنّي
مَا اوصِفَو إحساس قلب ٍبك تِهَنّـا
قلب لجل إسعادِك إيحِب التِعِنّي
ولو تبـين النجمة لعيونك تِـعَنّـا
عينك النجلا هدوءك و الـتـِئِـنّي
و صوتِك و ضحكتْك يبرون المعنّا
يللي زينك كل من شافه يـهنّـي
عينه وْ دار الظبي اللي بِك تِـغَـنّا
كيف قلبي اللي يِـعِدّك قطعة منّي
وش شعوره وإنتي روحه والمـظنّـا
وإنتي إحساسي وطموحي وْحسْن ظني
وإنتي عهدي وْ كلمتي اللي مَا إتِثَـنّا
أجمل مْن الحلْم وابعاد التِـمِنـّي
جابك الله وإبـتسم حظي و تِسَنَـا
وْمن غلاتِك وإنتي عندي والله إنّي
أخجل أطلب شيّ ٍأكثـر وآتِـمـنـّى