أحتاج لك حاجة غريب للأوطان
ضاعت حياته بين ديرة وديرة
أشتاق لك أحيان وأحيان وأحيان
والفكر يمك كل يوم أديره
ولهان أشوفك صدق ولهان ولهان
وأفز لا جابوا لك الناس سيرة
أقوم وأقعد والتفت وأسهر أحزان
وجروح قلبي من غيابك خطيرة
أحبك بصمتي وأحبك بالإعلان
وماهمني كثر الكلام وقصيره
أنت المهم وأنت الأهم وين ما كان
وأشياء لك في وسط قلبي كبيره
يا كثرهم حولي من فلان وفلان
وما غيرك اللي له عيوني سهيرة
شافوك في عيني وحبك لهم بان
شافوك وماتوا بين حيرة وغيرة
غنّيت لك أحلى كلامي والألحان
وغنّيت لك شعري وغنّيت غيره
من كثر ما أحبك، ترى الكل زعلان
مب كيفهم كلٍ يحكّم ضميره
حبك في دمي باقيٍ كل الأزمان
كل ما ذكرتك، نبض قلبي يثيره
أنا حبيبك وانت لي أصدق إنسان
بيني وبينك حب وأشياء كثيرة