أهون عليك [Ahoun Aleik] lyrics

بقى انت تعمل كده فيّا

وتفوتني أسهر لياليا

واللي افتكرته ملاك أتاريه

قلبه محسش يوم بيّا

بقى العيون دي تخدعني

وفيوم وليلة تودعني

يا وهم عشته وضيعني

يا حبيبي ليه تقسى عليّا

أهون عليك

وتهون يا ليالي

يا حبيبي فين

الوعد الغالي

وأعيش لمين

من بعدك تاني

كان مالي بيك

كان مالي

وعدتني بأجمل جنة

فضلت أحلم وأتمنى

ودي آخره اللي بيستنى

م القاسي حب وحنية

يا أحلى كدب أنا صدقته

انت اللي من قلبي عشقته

ورغم كل اللي عملته

مش قادر أنساك ولا ثانية