Âheste çek kürekleri mehtâb uyanmasın
Bir âlem-i hayâle dalan âb uyanmasın
Âgûş-u nev-bahârda hâbîdedir cihân
Sürsün sabâh-ı haşre kadar hâb uyanmasın
Dursun bu mûsıkî-i semâvî içinde sâz
Leyl-i tarâbda bir dahî mızrâb uyanmasın
Ey gül sükûta varmayı emr'eyle bülbüle
Gülşende mest û zevk olan ahbâb uyanmasın
Değmez Kemâl uyanmaya ikmâl-i ömr içün
Varsın bu uykudan dil-i bîtâb uyanmasın