Aghosh lyrics

Tootay huway un khwabon kai

Uss dahektay sooraj tallay

Falak say ab tapkay na jo

Umeed kay qatray thay woh

Talakh ansuwon kay sailaab say

Bhee jo ho na saki num toh

Rotee thee woh

Yeh zameen

Meri maan thee woh

Khuda ka wajood

Mabood thee woh

Saya thee

Raushni bhee thee woh

Qadam tallay jannat

Meri aghosh thee woh

Jiss aasray keh liye

Rooh tarapti thee jiss kee

Jiss shama ko

Jala na sakee

Woh andhaira hoon mein

Yeh gunah-gar haath

bheek kee chah mein

Jo badhain darbadar uss kee soo

Dar rahi thee woh

Yeh zameen

Meri maan thee woh

Qadam tallay jannat

Meri aghosh thee woh

Aankh say tapka jo ab yeh lahoo

Zakham bharnay lagay

Sar-ba-sajood hoon uss ke hazoor

Gunah dhulnay lagay

Darguzar uss maan nay kiya

Faslay simatnay lagay

Wahdahoo! Uss kee kokh say hoon

Aik hee nabz, Aik wajood

Yeh zameen

Meri maan hai yeh

Khuda ka wajood

Mabood hai yeh

Saya hai

Raushni bhee hai yeh

Qadam tallay jannat

Meri aghosh hai yeh