Adnan Karim - هەی شەمی شەوان [Hay Shami Shawan]

هەی شەمی شەوان .. هەی شەمی شەوان

ھەی شەمی بەشەوق چل چرای شەوان

ھەی ژیانی من ھەی ڕۆحی ڕەوان

ھەی گلێنەی دیدەی بێ خەوان

ھەی عەنبەرین خاڵ سۆسەنی کڵاف

ھەی ڕوناکایی ڕەشماڵانی جاف

ھەی من پەروانەی پەڕ سوتاوی تۆ

ھەی من گیرۆدەی زوڵفی خاوی تۆ

تۆ جارێ نایەی بۆ سەر وەختی من

گوێ نادەی بە ئاھ زامی سەختی من

ناپرسیت ئاخۆ من بۆتۆ چۆنم

بێ باکی لەتین قرچەی دەرونم

وادەی من و تۆ دێوانەی خوابێ

مەگەر ئەو ڕۆژە دادم ڕەوا بێ

شەمی شەم ڕوومەت تۆ بەسەلامەت

سکاڵای دڵم کەوتە قیامەت

بێ مروەتیت کرد ھەی شەم دەربارەم

من بۆ تۆ قەیسی سیا ستارەم

ھەوای کوێستانت وابۆ بوەوە

حەیفت کرد منت لەبیر چووەوە