عديم الأجناس [Aadim Al Ajnas] [Transliteration]

بغيتك عمر ما هوب أيام ولا اشهور ولا سنين

أريدك يا محبّ للقلب يا لين تلفظ بي الانفاس

ياليت تعرف مقامك في عيوني بين لمعادين

ثقيل الروز في وزنه و ياضِي ذَهَبك ألماس

شراتك مانوجد امحال ولو تشوفه عيوني سنين

انت يا صدفه تمنّيت ولو مَرّه في غمض انعاس

صحيح بك الجمال فايق، فلاكِنّك بأسلوب تزين

انت تبقى قريب القلب وما تحوُل بيننا لاطعاس

شفيج محب تخيّرتك معاك دنيا بهداية دين

يا كيف تلبِّسني اصدودك؟ وانت لي للوفا لبّاس

بعادك طال وانت اللي سَلَّمت عهود بالإيدين

وانا لولا وعود الحب ماصِّد للي وراء الراس

يكفي لانذكر اسمك اتوُه يسار واضيع ايمين

ولّا معاك، في صفوة تَرَفّع دون أي مقياس

لا خلَت من شوفك عيوني والمحبه بين لشرايين

غلاك اللي تملَّكني، لا خلَت من حبه الانفاس

تراحيب حبّك اتثَنّي في شوفك يا هلا ملايين

مفنود بين خلق الله وتبقى يا عديم الاجناس

انت ما تطلب اتأَمر يا احلى ما تشوُف العين

أشِّر ما دام قلبي وضلوع العوُج لك حرّاس

يا كم اتولَّه لصوتك وباقي الشوق احطّه وين؟

وصوتك لا لفى لبّيه، البّي له بكل احساس

احبك من عرفتك حب، احبك قلتها للحين

احبك حب غير الحب يا اخير من عرفت ف الناس