A sculuccia di u paese
Piena à silenziu disertu
Stà muta sottu à l'offese
Cù u so purtone apertu
Nantu à u vechju tavulone
Posta da manu zitellu
Ci hè sempre una operazione
Scritta à bianca calcinella
Da sottu ci era un bel ortu
Oghje pienu à lamaghjoni
Pè te quantu n'aghju coltu
Mele rosse è bonbucconi
I vechji banchi di legnu
Portanu in core zuccati
I nomi è qualchì dissegnu
Chì mai si sò squassati ...