'A sciurara [Italian translation]

Ma tu nun 'a cunusce:

'a guagliuncèlla ca vennéva 'e sciure...

pe guadagnà na lira,

scennéva d’o paése ‘int'a città

e uno d’a città l’ha fatt'o mmale

'o ssaje, ca nun saje pecchè sto' cca!

Giuvinò!

Giuvinò, t’è piaciuta 'a sciurara

e mo dice nun saccio chi è?

Saje chi è!

Era chélla ca tutt'e mmatine,

se fermava ccà 'nnanz’addu te!

E cu 'a scusa d’e sciure

e pavànnole care,

ogni ghiuórno, â stéss'òra,

‘a facive turnà!

Mo nun tòrna! Sta dint'o spitale,

sta murènno, e pirciò stóngo cca!

Ha cunfessato tutto:

'o nòmme ‘e stu signóre e pure 'a strata...

e po s’è avvelenata, p’o scuorno

‘e nun 'o ddìcere a mammà;

e tu cu na muglièra e cu duje figlie,

cómme hê tenut'o còre d'a ‘ngannà!

Giuvino!

Giuvinò, tè piaciuta 'a sciurara...

sóng'o frate e mo parla cu mme!

Nun dì no, nun dì no,

tèngo 'e ppròve int'e mmane

e nisciuno te scanza da me!

Simme gent'e campagna,

sul’e pane campammo...

nu curtiéllo tenimmo,

pe ce fà rispettà!

Jo mo primma te stènno cca 'ntèrra

e po dòppo te faccio parlà!