Ma sì,
mi son qua
pa' dirve robe che 'e xe inportanti par mi
e voaltri
no 'o savì
se 'e xe paroe o sentimenti.
Ma però
no ga importansa
se ghe xe chi che dise che so'n voltagabana
parché
mi son mi
come che vojo mi.
Go fato
queo che voevo,
soea co' mi vardando 'vanti.
Rimpianti
ghe ne go pochi,
no xe el caso che 'i conte.
Go vuo,
no go vuo,
tuto parfeto, tutto sbajà,
ma però
mi son mi
come che vojo mi.
E anca se go pianto 'n fia',
chea 'speriensa me ga fato ben.
Go vuo, sì, boconi garbi
ma go savesto spuarli fora.
Mi son mi,
e a la me moda
no canbio mai!
Ma sì,
mi son qua
a dirve robe scrite da 'n antro,
ma però
par darvee a voaltri
mi,'e traduso, me'e porto rento.
Cussì,
no par vantarme,
nissuni pol rangiarme
parché
mi son mi
come che vojo mi.
'Vanti de mì ghe xe 'n partèr,
pien o deserto, mi no eo so.
Rento de mi, 'a me'vita ,
deserta o piena de sì e de no.
Ma mi so'mi
e a la me moda
no canbio mai!
Se 'n partèr me dixe sì,
rengrassio Dio
de èssar mi
come che vojo mi!