Ma sì
I’ sto’ ccà
Pe ve dìcere còse ‘mpurtante pe mme
e vuje
nun ô ssapite
si sóngo paròle o sentimènte.
Però
nun vo’ dìcere niénte
si quaccheduno parla ‘e scumbino
pecché
i’ sóng’io
cómme dico io.
Aggio fatto
chéllo c’aggio vuluto,
sóla cu mme, guardanno annanze.
Nustalgie
n’aggio tròppo pòche,
nun sèrve ca ‘e ccónto.
Aggio avuto,
nun aggio avuto,
tutto allicchètte, tutto sbagliato
però
ì’ sóng’io
cómme dico io.
E pure si aggio chiagnuto nu pucurillo,
chélla sperienza m’ha fatto buóno.
Aggio avuto sì muórze ‘e veléno,
però l’aggio saputo sputà â via ‘e fòra.
I’ sóngh’io
e cómme dico io,
nun cagno maje.
Ma sì,
i’ sto’ ccà
pe ve dìcere còse scritte ‘a n’ato,
però
pe v’ê ddà a vvuje,
i’ ê ttraduco, ê pporto dinto.
Accussì,
no pe me fruscià,
nisciuno me po’ dìcere niénte
pecché i’ sóngh’io
cómme dico io.
Annanz’a mme nce sta na platèa,
chiéna o disèrta, i’ nun ô ssaccio.
Dint’a mme ‘a vita mia
Disèrta o chiéna ‘e si e no.
Ma i’ sóngh’io
cómme dico io,
nun cagno maje!
Si na platèa me dice ca sì,
i’ ringrazio a dDio
ca sóngh’io
cómme dico io.