A Manneddu [Spanish translation]

Totu sa vida at fatu su pastore,

esémpiu de virtude e de onestade;

vintitres annos teniat de edade,

no aiat ne pentimentos ne rancores.

Connotu fiat a hómine de onore

pro ponner pache in sas disamistades,

cassadore fit de sos prus mannos,

s’úrtimu at mortu a novantachimb’annos.

Ispipillu che grodde, pro andare

no usabat istampella o baculeddu,

dae totus si fachiat istimare,

a zistru li naban Billareddu. (x2)

Cando moghiat dae su cubile,

lépiu che foza andabat a cassare

armau de tasca, canes e fusile,

non torrabat nemancu a manicare.

Poi dae su sero a s’impuddile

lépores e sirbones a punterare:

in tempus 'onu, àstragu o mochina

fit su terrore de sa selvagina.

Ispipillu che grodde, pro andare

no usabat istampella o baculeddu,

dae totus si fachiat istimare,

a zistru li naban Billareddu…