מײַן קינד מײַן טרייסט, דו פֿאָרסט אַוועק -
זע, זײַ אַ זון אַ גוטער!
דיך בעט מיט טרערן און מיט שרעק,
דײַן טרײַע ליבע מוטער.
דו פֿאָרסט מײַן קינד,
מײַן איינציק קינד, אַריבער ווײַטע ימען.
אַך קום אַהין נאָר פֿריש געזונט,
און ניט פֿאַרגעס דײַן מאַמען!
יאָ , פֿאָר געזונט און קום מיט גליק.
זע יעדע וואָך אַ בריוועל שיק.
דײַן מאַמעס האַרץ, מײַן קינד דערקוויק.
אַ בריוועלע דער מאַמען, זאָלסטו ניט פֿאַרזאַמען.
שרײַב געשווינד, ליבעס קינד,
שענק איר די נחמה.
די מאַמע וועט דײַן בריוועלע לעזען,
און זי וועט גענעזן -
היילסט איר שמערץ, איר ביטער האַרץ,
דערקוויקסט איר די נשמה.